Gran final di Sport TV Quiz lo ta diahuebs awor na Paseo Herencia. E grandioso Sport TV Quiz presenta pa Sport TV Aruba lo conoce su prome ganador diahuebs awor den e gran final na Paseo Herencia. 
Durante cuater siman largo 16 participante a lucha cu alma y cuerpo pa e ultimo 4 puestonan di final. 
A lo largo Randall Oduber, Jair Tromp, Mario Wester y Randy Dirksen lo bataya contra di otro pa mira kende ta e berdadero"Fanatico di Deporte". 
Nos a bin compronde cu IDEFRE y Movecion y Salud lo baha masal y apoya nan candidatonan faborito.
Tur hende ta keda cordialmente invita pa pasa Paseo Herencia diahuebs awor pa 6or di atardi y presencia e gran final di e Sport TV Quiz by Sport TV Aruba. 

Lo bai tin bon premio pa rifa bou di e publico presente, ta abo so falta. Be There!!!!!!

Reglanan:
Tur participante lo scohe un number entre 1 – 10 na cuminsamento I esun cu e number mas halto lo inicia e Quiz.

Asistencia:
Pa asistencia cada participante ta permiti pa tin un persona den e publico cu por asistie na dos oportunidad.
E participante mester identifica su asistente prome cu e wega o sea adelanta.
Por haci uso di e asistentenan den e prome of den e segundo ronda.

Prome rond:
Cada participante lo haña 5 pregunta.
Un minuut pa contesta e pregunta.
10 punto pa cada pregunta cu wordu bon contesta.

Segundo rond:
Lo tin 5 pregunta “wild cards”  o sea e persona cu primi e bel prome tin cu contesta e pregunta.
15 punto pa cada bon contesta.
E persona, cu pita o sea primi bel, cu no contesta of no contesta corectamente, lo ricibi 10 punto menos.

Final:
E participante cu mas punto lo ta e ganador.
Si tin empate, un otro pregunta lo wordu haci.
E ganador lo ricibi un premio y ta classifica pa e wega final.