”Celebrate with the Stars,” ta un evento cu Sportzone Aruba conhuntamente cu TAF a organiza caminda cu nos kier reconoce y premia  e atletanan y nan coachnan cu a participa den e Weganan di Reino 2009.” Esaki tabata nos manera di duna bek na nos orguyonan nacional. Nan a haci un tremendo trabou durante e Weganan di Reino 2009 y nan merece di wordo reconoci pa esaki debidamente.  Manera ta conoci Sportzone ta un revista gratis, cu tin como proposito pa informa su lectornan y tene nan al dia cu e mundo di deporte local, pero tambe na yuda engrandece nos deporte y nos atletanan nacional.  Sportzone y TAF ta duna danki na un y tur cu nan presencia ayera tardi dilanti TAF den caya principal y especialmente na nos sponsornan cu ta Setar, Bright Bakery, De Palm Tour, Morgan Island, Tec Aruba, Write Here y The Athlete Foot