Ayera anochi dilanti di un grupo di invitadonan di honor, e atletanan participante di tur pais como tambe e publico presente, a clausura e Weganan di Reino 2009, cu a bira un caminda e pais madre patria esta Hulanda a bira e maximo triunfador di e weganan. Un show spectacular bou gui di e maestro Jhon Freddy Montoya y cu musica presenta pa e artista Sergio Jansen, kende hunto cu su grupo di musico, a deleita tur presenta cu un compilacion di tur e canticanan di e Rey di Pop, esta Michael Jackson den feliz memoria. Prome a canta e tono glorioso di tur tres pais participante, esaki bou guia di e maestra sra. Maybeline Arends-Croes, despues a bai over na haci e traspaso di bandera di e Weganan di Reino na e pais sede, cu aki dos anja cu ta Antiyas. E traspaso a ser efectua pa su excelenci Minister di Deporte sr. Ramon Lee kende a entega saki na su excelencia Minister di Deporte di Antiyasnan Hulandes, sra. Omaira Leeflang.  E anochi a clausura cu un show di fuego artificial na unda na e mesun momento tur a atletnan por a subi tereno di bala y baila ariba e ritmo prepara pa e musico Sergio Jansen y su grupo. Pa loke ta e sede di e Weganan di Reino 2011, no tin confirmacion, pero tin entendi cu esaki lo por bira e pais di Boneiro.