E Weganan di Reino 2009 a culmina ayera anochi cu e final den futbol entre Antiyas y Hulanda, ora cu nan a enfrenta otro den un stadion Guillermo Trinidad bastante yen di fanatico. Mester bisa cu e seleccion nacional di Hulanda a sali brabo y ta anota dos gol ya tempran den e wega pa medio di Balrak y Moustafa, net prome cu haftime e hungador Bernadina ta corta ventaha. Nos por bisa cu den ambos partido contra di Hulanda e muchanan di Antiyas no ta logra haya e futbol desea, tempran den e wega nan ta mira nan mes cu dos gol abou, pa ora cu nan kier pone presion pa corta ventaha ya ta lat. E falta di marcacion y duna sosten na otro den defensa ta e causantenan principal di e golnan, ariba dje e errornan na mal momento a duna Hulanda na dos ocasion gol facil. Den e segundo tempo Hulanda ta anota tres gol mas pa medio di entre otro Balrak y Locadia y asina ta seya e titulo di futbol den e Weganan di Reino 2009.