Si tin un seleccion di Aruba cu merece tur atencion, ta esun di baseball hubenil cu a caba di titula campeon latinoamericano di baseball Little League Senior Division, anto invicto y ta ripiti e hazanja aki dor di conquista e titulo maximo den e Weganan di Reino 2009, ganando tur su weganan pa knockout. Ayera den un Dragon Hitters Ballpark repleto di hende, nos basebolistanan hubenil a sa na gana e titulo maximo den e Weganan di Reino 2009, ora nan ta gana pa knockout for di e equipo di Antiyas Hulandes cu e score di 17 - 5. Un pabien grandi di nos banda ta bai pa tur e hungadornan, e staf tecnico cu ta forma parti di e seleccion di baseball participando na e Weganan di Reino 2009, nos tin sigur cu nos peloteronan lo haci un tremendo papel durante di e campeonato mundial di Baseball Little League na e estado di Maine, USA aki dos siman.Pa mas potret di baseball por click ariba nos seccion di Gallery y admira esakinan