E damitanan di Antiyas ta demostra e manera cu e mester ta cu corahe, animo, determinacion y mentalmente fuerte prepara. E damitanan di Antiyas den e deporte di softbol a mustra cu bo no mester give-up aunke bo a perde e prome dos weganan. Despues di a haye for di Hulanda pa KO den e prome wega y ta perde 5-3 for di Aruba, den e di dos partido, e muchanan di Antiyas ta bini bon bek pa gana Aruba 2 - 0 den e semi-final y Hulanda 3 - 1 pa asina titula campeon di Weganan di Reino 2009. E pitcher antiyano Stephenie Henriquez a domina e temible bateadornan hulandes durante di henter e wega. Pa loke ta e wega, mester bisa cu Antiyas ta anota e prome careda den bom di e di dos inning, caminda e coredora ta bai home y e catcher ta laga e bala cai. Asina mes Hulanda ta sali di bon, mirando cu Antiyas ta laga tres coredor na base. Den e turno pa Hulanda nan ta menasa bon, pero e coredora hulandes ta ser saca na tercera, tras di un tremendo hugada di e damitanan antiyano. Den bom di e di tercer inning, Antiyas ta mane biba, ora cu nan ta habri cu un triple y ta anota nan di dos careda di e partido ariba un hit pa right. Den di cuater nada no a pasa, pero den cabez di cinco, e damitanan di Hulanda ta anota 1 careda pa asina corta ventaha den e partido, mientras cu Antiyas no ta logra anota lagando dos coredor na base. Pero den sera di seis, e muchanan di Antiyas ta dal dos hit, back to back y asina ta bai ariba 3 - 1. Na final di e di tres out, e alegria tabata inmenso cerca e hungadornan, e staf di coachnan, delegadonan y e demas fanaticonan. Un pabien na Antiyas cu nan triunfo grandi den softbol. Pa mas potret di softbol por click ariba nos seccion di Galley y admira esakinan