E muchanan di baseball ta manera nan a bisa na ingles "On Fire", ya cu ayera un biaha mas nan ta gana contra di Hulanda a KO y asina pasa awe pa e gran final contra di Antiyas. Den un Dragon Hitters BP colma di fanatico, nos muchanan ta demostra nan supremacia ora nan ta gana Hulanda cu e score di 19 - 7. E bateo di Aruba, tabata un biaha mas na candela cu 11 hit y 3 homerun cu a bini di Jandido Tromp y e rumannan Xeander y Jair Bogearts. E tres hungadornan aki hunto cu Jean Franco Wouters, Daryl Quandus y Lynel Koolman a produci tur e caredanan pa e equipo di Aruba. Awe pa 2or Aruba lo enfrenta Antiyas pa loke ta e final di baseball den Weganan di Reino 2009.