E seleccionnan di natacion y landamento sincroniza si a conoce un Weganan di Reino 2009 satisfactorio, mirando cu ayera ariba e ultimo dia nos seleccionadonan di ambos disciplina a logra varios medaya di oro. E muchanan di natacion a cuminsa ya for di 6or, na unda a landa e prome finalnan, den e categoria 11 - 12 girls, tanto Sue-Gin Arends como Danielle van den Berg a sa na conquista medayanan di silver y brons. Den e categoria 11 - 12 boys, e hoben prospecto Jordy Groters, a sa na conquista varios medaya di oro pa un total di 5 den e Wganan di Reino 2009. Otro atletanan cu tambe a sobresali ta Marellys Robles de Medina, kende ta logra tres medaya di oro, mescos ta conta tambe pa Derek Groters kende tambe ta logra tres medaya di oro. Pa loke ta landamento sincroniza por bisa cu den duo, Kiara van Trikt y Anouk Eman ta logra un medaya di zilver, un error chikito na ultimo, a costa e duo un medaya di oro. Den e competencia pa equipo, Hulanda den prome instante a mustra di a bai cu e medaya di oro, pero despues di un protesta di parti di Aruba(na tres ocasion e damitanan hulandes ta mishi cu e flur di piscina, cual ta prohibi mundialmente durante di un rutina di sychro), no po a tuma un desicion. Despues nos lo bini cu e resultadonan final di natacion y landamento sincroniza. Pa mas potret por click ariba nos seccion di Gallery y admira esakinan