Contrario na e wega anterior contra di Antiyas y Hulanda nos damitanan di softbol no a luci manera a ser spera y ta perde un oportunidad di bai final contra di Hulanda, ora nan ta perde di Antiyas cu e score di 2 - 0. Apenas dos hit e muchanan di Aruba a bati den e wega aki, e pitcher di Antiyas, Amanda van der Linden a domina e bateadornan di Aruba. Nos muchanan a comete un serie error, aki ta caminda cu Antiyas a probecha di anota su unico dos caredanan di e partido. Mester bisa tambe cu e animo cerca nos muchanan tabata abou, esaki tambe nos por a mira na e staf di coachnan, tabata haci falta di poco agresividad y mas corahe. Nos muchanan  a logra subi base  algun biaha, pero asina mes no a probecha na anota careda ora esaki tabata mester, na dos ocasion e hungadornan ta ser saca out den un intento di robo. Esaki tabata tur tambe pa nos damitanan di softbol, kende a hunga den nan mihor wega esun di prome contra di Antiyas, cu cu e wega contra di Hulanda tambe a ser bati solamente dos hit. Awemainta pa 11or Antiyas lo enfrenta Hulanda den final. Pa mas potret por click ariba nos seccion di Gallery y admira esakinan