Shemuel Koolman ta 'Atleta di Dia' pa Sport TV Aruba y Setar NV.  E hoben portero di e seleccion di Aruba cu ta particpando na e Weganan di Reino 2009, esta Shemuel Koolman di e equipo di Dakota, ayera a logra haci un tremendo papel contra di e equipo di Hulanda. Den e prome tempo Shemuel a luci enorme atrapando tres bala cu prakticamente tur hende a kere cu a bai gol caba. Mas ainda Shemuel a demostra di ta un portero madura bou di e latanan, guiando su hungadornan ariba tereno y sali cu e bala buscando di arma e wega pa medio di su punteronan den defensa mesora. Un pabien na Shemuel Koolman di parti di Sport Tv Aruba y Setar NV. Riba e foto nos por mira Shemuel hunto Marisela y Gilmer di Sport TV Aruba.