Pa e atletanan di taekwondo tambe e Weganan di Reino a cuminsa ayera den compleho deportivo Betico Croes na Sta Cruz. Mester bisa cu prome a cuminsa cu un desfile di tur e paisnan participante, na unda e publico presente por a conoce e grupo di peleadornan di cada pais di cerca. Remarcabel ta cu diferente dignitario di Antiyas, Hulanda y Aruba a bishita e evento di taekwondo, entre otro su excelencia Gobernador di Antiyas Hulandes, sr. Frits Goedgedrag, Minister di Ensenanza di Hulanda, sra. Jet Bussemaker y nos Minister di Deporte, sr. Ramon Lee. Pa loke nos por bisa di e diferente combatenan ta cu e delegacion di taekwondo di Hulanda ta hopi superior na esnan di Antiyas y Aruba, mayoria di e combatenan gana pa e hulandesnan tabata pa un margen di puntuacion grandi. Den un relato mas extenso nos lo amplia ariba cada combate.Pa mas potret por click ariba nos seccion di Gallery y admira esakinan