Ajera nochi e torneo Copa Betico Croes a continua den Centro Deportivo Frans Figaroa cu e partido di RCA contra deportivo Nacional. RCA a sali cu nan patroonchi di wega di semper tocando bala buskando e opotunidadnna pa anota pa asina clasifica pa e siguiente buelta.Nacional di otro banda su bolante tawata perdi riba terreno nan tawata hunga pase largo tratando di hanja banton pero tur e bala nan aki twata ser bon intersepta pa e defensa di RCA. Ja den prome tempo RCA ta probecha i ta anota dos gol, na di 17 min Rua ta probecha un fajo den defensa di Nacional i ta los un tremendo tiro pa pone RCA ariba 1-0, na di 41 minuut di e partido RCA ta hanja un penalty cu ta ser cobra pa E. Santos cu un tiro duro abow den skina pa pone RCA ariba 2-0.Den e segundo mitad RCA ta bolbe anota pa medio di un tiro penal ehecuta pa E. Santos pa asina pone RCA ariba 3-0.Casi na final di e partido e defensa di Nacional Fuller ta schop Eric santos kende tawata na suela aki e referee principal Rudy Angela ta saka caarchi cora di biaha pa fuller i ta duna Santos tambe un caarchi cora inexplicademente, Banton di dep. Nacional tambe ta ser expulsa for di e partido. Asina e partido ta termina cu score di 3-0 pa RCA kende ta clasifica pa e siguiente buelta sperando riba e ganador di Britania vs Estrella cual lo tuma lugar awenochi na CDFF i www.sporttvaruba.com lo ta live un biaha mas cu su team dinamico i profesional pa trece e partido aki pabo.