Diadomingo 15 januari 2012 a tuma lugar e 2nd Shahai 5.5K Run/Walk, organisa pa All Distance Runners Aruba (A.D.R.A.). Pa 4’or di atardi participante nan a cuminsa jega na Shahai Take Away pa inscribi pa e evento aki y pa 5’or y mey di atardi e start shot a wordo tira y tur participante a cuminsa cu nan careda y caminata! Gino Hodge ta e prome coredor cu ta pasa e finish line den un tempo di 19 minuut y 54 seconde, kibrando e record di Shahai 5.5K Run/Walk. E record aki tabata riba nomber di Ludwig Dirksz, kende a core e careda aki na aña 2011 den un tempo di 20 minuut y 8 seconde. E prome dama cu a cruza finish line tabata Shariska Winterdal den un tempo di 23 minuut y 37 seconde. Esaki tambe a kibra e record di damas di e careda aki, cual tabata riba number di Jennelaine Vrolijk na aña 2011 cu un tempo di 24 minuut y 51 seconde. E resultado den coremento cabayero ta prome lugar Gino Hodge (19:54), segundo lugar Ludwig Dirksz (20:20) y na tercer lugar Alrric Kock (20:26). Den damas e resultado ta na prome lugar Shariska Winterdal (23:37), segundo lugar Shantal Stephens (24:23) y na tercer lugar Jennelaine Vrolijk (24:49). Den canamento cabayero a jega na prome lugar Fernando de Graf (33:06), sigi pa Juan Tromp (33:07) y na di tercer lugar Luis Hunt (33:22). Y den canamento damas a jega prome Filomena Paesch (38:09), segundo lugar Liza Geerman (38:46) y na tercer lugar Melisa Caster (39:11). All Distance Runners Aruba (A.D.R.A.) ta gradici tur cu a participa na e actividad aki y a hasi’e un exito sigur! Y danki ta bai na tur e voluntarionan cu a juda e atardi aki, na KPA, Rode Kruis, Erik Gomez, Adeline Rojer y prensa cu a cubri e actividad aki. Un danki grandi pa e sponsor di e actividad aki Shahai Take Away. Pa informacion di resultado completo por tuma contacto cu A.D.R.A. na telefoon 562-7816. A.D.R.A. ta invita pueblo pa keda pendiente di su proximo actividad, cual lo tuma lugar den luna di mei 2012.