Den fin di siman e atletanan di Tiger Taekwondo Academy hunto cu Aischal van der Linde di Brazil Taekwondo Stichting a haci un cos na Santa Cruz. Manera cu Teo Rodriquez a bisa," Las Vegas nos ta bay".  E meta tey, awor nos tin cu traha pa nos yega Las Vegas y participa den e Open USA. Teo Rodriquez e trainer di Tiger Taekwondo Academy ta ariba dje pa Las Vegas.Training ta drei caba manera un wiel na Juliana School ariba tur diamars y diahuebs for di 6'or di atardi pa 8'or di anochi. Teo Rodriquez kende ta wordo considera e coach di aña 2011 a hinca su man den e mansa cu training cu su atletanan.  E atletanan kende ta bayendo Las Vegas a opta pa recauda fondo ariba e manera crioyo.Tiger Taekwondo Academy tin un caminata dia 28 di januari pa esaki tambe cubri e gastonan pa Las Vegas. Un total di 13 atleta y mayornan ta bayendo Las Vegas pa participa den e Open USA. E aña aki Aruba ta bay tin un teamgrandi participando den Open USA. Nos kier a gradici e pueblo di aruba masha hopi mes kende a coopera hopi bon cunos. Nos a ricibi for di 1 florin pa te hasta 100 florin, nos no sa si esaki tin di haci cu Aischal van der Linde kende ta un hoben atleta cu ta hala masha atencion, specialmente cerca di e cabayeronan cu tabata duna placa na grandi.