Diahuebs anochi e miembronan di Brazil Taekwondo Stichting a reuni tocante e plan pa 2012. Den e plan aki tin varios cos cu a bin pa dilanti den e reunion aki cu ta na bienestar di e atletanan. E otro topico tabata e calender cu a hala masha hopi atencion di nos pueblo cu sigur lo ta ariba mercado pa 2013 tambe. E viahe pa Surinam cu ta na luna di mei, Brazil Taekwondo Stichting ta trahando ariba un bachi completamente nobo. E aña aki Brazil Taekwondo Stichting ta bay bin cu man duro. Nos prome rifa ta dia 29 di januari unda cu nos ta bay rifa un celular di Setar pa asina recauda fondo pa e viahe pa Surinam. Despues ta sigui tur luna cu rifa pa asina nos por recauda e fondonan pa e viahe. Nos prome campeonato ta dia 14 di april unda cu esaki lo bay ta e prome clasificacion pa Best of the Best 2012 cu e aña aki lo bay ta grandi cu participacion di Venezuela cu lo bay ta cu un grupo grandi na Aruba. E clubblad ta sali e aña aki unda cu esaki lo bay ta central. Lo bay tin un camptraining na Aruba cu e team di Brazil Taekwondo Stichting na luna di juni. Nos cena di pasco ta cla caba cu ta dia 14 di december unda cu ta bay tin varios sorpresa. Alberto Klabér tin algo mas bunita e biaha aki, pa asina pone tur hende pensa so y bisa" bunita, super, fast, con bo a haciele etc., manera e potret di aña pasa na unda cu tur hende a ricibi esaki na final di e cena.