Diaranson atardi e atletanan di Brazil Taekwondo Stichting a sorprende juffrouw Henriette di Tarcisius Kleuterschool cu un potret, unda cu tur e atletanan di Brazil Taekwondo Stichting a firma. Netamente e atletanan di Brazil Taekwondo Stichting a haci esaki den forma di un aprecio di por practica Taekwondo te cu e dia di awe na Tarcisius Kleuterschool. E atletanan y miembronan di Brazil Taekwondo Stichting a firma e potret di Brazil Taekwondo Stichting y a entrega esaki na juffrouw Henriette. Esaki a wordo haci door di yama juffrouw Henriette pa asina e por a bin na e training pa wak un problema, ora cu juffrouw Henriette a yega tur e muchanan a para pa asina laga sra. Maria Geerman entrega e potret na juffrouw Henriette. E sonrisa ariba juffrouw Henriette su cara so a bisa tur cos. Juffrouw Henriette a gradici tur hende pa e bunita gesto y tambe gradici e muchanan cu a haci e scol limpi diadomingo cu a pasa.