Ultimo dia cu ta tuma inscripcion ta diamars 24 di januari E popular“Betico Croes Memorial Run&Walk”ta wordo organisa anualmente pa IDEFRE conhuntamente cu Fundacion Betico Croes pa conmemora e fecha natalicio di Betico Croes den felis memoria. Esaki ta e prome evento grandi riba calendario deportivo di IDEFRE y esaki  ta duna posibilidad pa atletanan participa na e 10-KM Run como tambe na e 6-KM Fun Run /Walk. CAMBIO DI ORARIO E competencia di 10KM ta cuminsa promer y esaki ta 4:45pm, despues ta sigui cu e 6KM Fun Run/Walk cu ta sali pa 5:15pm INSCRIPCION Ya caba por inscribi pa participa na e “Betico Croes Memorial Run/Walk 2012” na oficina di IDEFRE situa na Certified Megamall for di 7:30 di mainta te 4:30 di atardi, di dialuna pa diabierna. Inscripcion ta costa Afl.15,00 pa participacion na e 10-k Run, mientras cu pa e 6-k Run y Walk esaki ta Afl. 10,00. Tin T-shirt disponibel, e cantidad ta limita. E prome 600 persona cu inscribi y paga ta garantisa nan T-shirt conmemorativo di e careda.  ULTIMO DIA CU TA TUMA INSCRIPCION TA DIAMARS 24 DI JANUARI for di 7:30 di mainta te cu 4:30 di atardi.  Riba e atardi di competencia no ta tuma ningun inscripcion, sino solamente ta check-in registracion di tur participante. IDEFRE ta recorda tur atleta pa inscribi na tempo pa bo no keda afo,    REGLAMENTONAN IDEFRE PA BETICO CROES MEMORIAL 10K RUN 2012 A. Participacion y inscripcion: 1. Obligatoriamente tur participantenan den e Betico Croes Memorial 10K Run di 25 di januari 2012, mester yena y completa e formulario di inscripcion, acompaña pa un firma y suma di participacion. No ta permiti pa un otro persona firma e formulario cu no ta esun di dje.  2. Participante menor di 18 anja mester di un firma di un mayor di edad of persona mayor di edad bou cual supervision ta cai. 3. Mester por presenta un identificacion legal pa comproba fecha di nacemento y edad. 4. IDEFRE ta rerserva e derecho di nenga participacion na cualkier persona pa buena marcha di e evento y pa salvaguardia integridad di e servicio. 5. Ta accepta inscripcion y participacion den e siguiente categorianan:  Femenino: 14-19;20-29;30-39 y 40+ Masculino: 14-19;20-29;30-39;40-49;50-54; y 55+ 6. Ningun inscripcion lo ser accepta despues di e fecha, hora y lugar anuncia publicamente como ultimo periodo pa inscribi. B. Responsabilidad di participante: 1. Participante obligatoriamente mester bisti su number pega dilanti den pecho y na un forma visibel pa oficialnan di careda na tur momento. Si den caso cu dos set di number a ser entrega, un mester wordo pega dilanti den torso (pecho) y e otro patras den lomba. Sancion: desqualifacion 2. Ta prohibi pa number wordo corta, dobla of manipula for di su forma original cu a ser otorga na e participante. Sanction: desqualificacion 3. Tur participante mester core cu un top sea e ta un T-shirt, un running vest of un uniform di careda. Coremento sin top no ta permiti. Sancion: desqualificacion. 4. No ta permiti participantenan core sin zapato na pia, esaki pa motibonan di seguridad y proteccion di e propio participante.   5. Tur participante mester hasi un check-in na e ora stipula pa e Race-Director pa di e forma aki comproba su asistencia. Check-in ta cuminsa 1:15 ora promer cu e ora oficial di salida di careda y ta termina 15 minuut promer cu e start. Na e check-in participantenan lo ricibi un polsband cu mester bisti como prueba di check-in. Participante cu no check-in ta wordo registra como no-show. 6. Tur participante ta mester completa e careda segun e ruta (adhunto) publica den medionan di comunicacion.  7. Participante sin number manera describi na punto B1, lo wordo pidi pa sali for di ruta. Esaki ta conta tambe den caso cu perde e number durante careda. 8. Ta ser spera  cu cada participante lo atene nan mes na reglanan di “Fair Play” durante e evento. Mal conducta of violencia durante e careda ta prohibi. Eventual sanciona por resulta den aviso te na desqualificacion. 9. Participante cu retira su mes durante careda, mester acudi y informa e oficial di careda mas serca. 10. Participantenan no ta permiti pa ricibi ayudo di otro persona cu no ta un miembro di e organisacion di careda. Esaki ta conta tambe cu partimento di awa durante e evento. E postnan di awa designa pa e careda ta e unico lugarnan na unda e participante por ricibi ayudo di un miembro di organisacion. Sancion: promer biaha un aviso y di dos biaha desqualificacion.  11. Participantenan cu handicap special mester solicita autorizacion di IDEFRE pa por participa y ricibi ayudo di tercera. 12. Ta prohibi pa un participante wordo acompaña pa un persona cu no ta inscribi oficialmente den e careda. Sancion: promer biaha lo duna aviso y desqualificacion siguiente biaha. IDEFRE y Race Director ta tene e derecho di tuma desicion riba situacionnan cu por presenta promer y durante careda cu no ta describi den e reglanan menciona.