Diaranzon atardi, nos a presencia e caredanan ya tan popular yama Mayor y Yui organisa pa club di atletimo Olimpia.Ya for di tempran un cantidad grandi di mayornan y nan yuinan tabata haci nan warming-up pa asina prepara nan mes debidamente pa e caredanan. Nos tin cu bisa cu casi tur club a participa na e careda, aunke nos a haya falta di Y-Track na e evento aki, sigur mirando cu nan tin un cantidad grandi di atleta. Mester bisa cu e muchanan tur tabata entusiasma mirando cu nan mayornan tambe lo participa hunto cu nan. Colega di Sport Tv Aruba, Rothmar "Flash Gordon" Coenraad tambe a demostra su habilidad den sprint logrando un bon resultado hunto cu su yui muher Shawney y su bisinja Shavon. Esaki sigur ta un bon iniciativa di e organisadornan esta Olimpia, ya cu e mayornan mes ta experiencia e sintimento di nan yuinan, ora cu  esakinan ta compitiendo den un of mas disciplina di atletismo. Mas despues nos lo duna e resultadonan final como tambe e entrega di premio