Piscina Olimpico Roli Bisslick tambe ta forma parti di e actividad di Ciclovia diasabra awor dia 11 di September 2010 den bario di Savaneta. Comunidad di Aruba, specialmente Savaneta y vecindario ta keda cordialmente invita pa acudi na Piscina Olimpico pa por haya tur informacion di e deportenan cu ta keda practica aki.    Pa e diferente Club di landamento cu ta practica e deporte di landamento y ta haci uso di e piscina olimpico pa practica den un schema di entrenamento y ta prepera landadonan pa competencia, por haya entre otro diasabra awor e Club di landamento Stingray. Mientras cu otro deporte cu tambe ta haci uso di e piscina olimpico ta landamento sincronisa, cu ta hopi popular y gusta entre mucha muhernan. Por haya informacion y demostracion di e deportenan aki na Piscina Olimpico.   Piscina Olimpico Roli Bisslick tambe ta dispone di un facilidad pa haci ehercicio cu peso. Diasabra awor durante e actividad grandi di Ciclovia ta un bon momento pa bo yega cerca y haya tur informacion di e Piscina Olimpico y di e respectivo deportenan. Alabes bo por inscribi y bira miembro di e clubnan deportivo cu ta participa den e Ciclovia na Savaneta.