E competencia di nado sincroniza a cuminsa awe na Mayaguez, Puerto Rico y por poco Aruba ta logra sorprende y cai den medaya. Sinembargo un di cuater lugar tras di Venezuela ta pone Aruba keda net pafor di un lugar pa e medaya di bronz cu ta bai pa e pais bisina. E rutina di tecnica den dou .a cuminsa cu un Amanda Maduro y Anouk Eman  presentando un rutina solido di nivel super halto, demostrando cu den e deporte di synchro, Aruba ta bon para den Caribe y Latino America y cu nos por duna bataya na paisnan grandi den nos continente. Sino ta pa Colombia y Venezuel, Aruba a keda na di dos lugar tras di Mexico kende a bai cu e medaya di oro. Anouk y Amanda a logra un puntuahe di 73. 6256. Remarcabel ta cu Aruba a laga paisnan grandi su tras manera Sto Domingo, Puerto Rico, Costa Rica y Guatemala. Un pabien na Anouk y Amanda. E potret di Amanda y Anouk a sali Shot of the Day, saca dor di e fotografo Juan Carlos Ulate di e agencia di noticia mundial, Reuters