E grupo di canadonan di e tempo aya, Healthy Living Walkers a recorda e hecho cu ya ta cinco anja pasa cu nan a participa na e famoso ruta di canamento na Hulanda, conoci mundialmente como e Vierdaagse di Nijmegen. Cu un total di di 13 persona, e grupo a cana e trajectoria di casi 40 kilometro pa cuater dia largo, un reto cu sigur pa e grupo completo tabata uno sumamente dificil. Pero e tempo ey e grupo aki a entrena pa mas d un anja largo pa cu e reto aki, ta hopi sacrificio a ser haci pa cada un di e atletanan aki, pa asina por a logra e meta di cana tur cuater dia y sin stop of cai afor. Mester bisa cu e grupo e anja ey a haci furor den nan outfit unico, hasta un canal di television hulandes a para nan riba ruta pa un entrevista. Remarcabel ta cu e grupo di Healthy Living Walkers ta preparando seriamente pa haci un comeback pa asina otro anja cu Dios su poder nan lo por bolbe participa na e Vierdaagse Nijmegen.