Despues di a lucha henter un siman, hungado tur dia, diadomingo atardi, e seleccion campeon di Latino Americano di baseball esta North/South League y nan famia a ricibi nan treat bon mereci. Na cas di sr. Booshi Wever na Brazil, e muchanan a have fun y disfruta di un bon barbecue. Ya for di diasabra anochi, di biaha despues di e partido, sr. Wever a extende un invitacion cordial na henter e equipo. E muchanan tur sigur a presenta na e gesto aki. Mester bisa cu dado momento a pasa un parada y saluda e muchanan. Nos a bin compronde cu tabatin un parada planea, pero cu debi na falta di comunicacion, esaki no por a tuma lugar na e maner corecto. Ni e staf, ni a hungadornan mes no a ser poni na haltura di un of otro parada. Kizas pa un otro biaha por hinca esaki den man di un comicion pa organisa/planifica esaki mucho mas mihor. Nos a bin compronde cu dialuna e hungadornan lo haya nan regalo for di Parlamento di Aruba.