Semper tin hungador cu abo tin como faborito, sigur ora cu durante di e campeonato, e simpatia pa e hungador ta bira uno mas grandi, atrabez di e weganan cu abo ta presencia. Nos di Sport Tv Aruba tambe tabatin esaki. E hoben cu nos a scohe ta resalta pa su estatura largo y su cara serio, rato rato nos por a mira un smile ariba e cara. Pero su pitcheo formidabel y sigur tambe su bateo peligroso, ta loke mas a resalta den e campeonato di baseball tras di lomba. Su nomber, Shawn Duinkerk. E hoben aki pa nos di Sport Tv Aruba a demostra un trankilidad y confianza enorme ora cu e ta na e plato ora di bati, caminda tur otro hugador ta yena di tension, kizas hasta na pensa solamente di saca e bala for di parke of kibra esaki, Shawn ta para den e batting box, den tur trankilidad y cu su santo pasenshi, e ta warda e bon bala bini pa e bati esaki, no tin pura, basta e contacto cu e bala tey. Un mucha homber sigur di tiki palabra, pero cu ta laga su hechonan papia pa su mes, pa nos hasta a bira manera un lider di e equipo aki. Grandi ariba monticulo den tur e weganan cu el a tira, pitchando solido, cu un recta dificil pa bati, e ultimo out pa e titulo campeonil, un recta durisimo cu ta poncha e cuarto bate di Puerto Rico y duna Aruba su titulo campeonil. Laga nos no lubida ariba su bateo feroz, un homerun contra di Colombia, na unda e bala a bai den e direccion di leftfield, enbez di rightfield, tabata un muestra cu su bateo ta super peligroso.Tur e ariba menciona a haci cu pa nos Shawn, sin duda, ta nos hungador di Aruba 1. Pabien Shawn!!!!