Determina pa logra e mihor di su mes, apoya su companeronan y gana e campeonato Latino Americano aki tabata tur cos. E pitcher estelar di Aruba esta Richinell Matos a keda escohi como e mihor hungador di e campeonato Latino Americano aki. Pa su pitcheo dominante durante di e serie aki? Esey ta sigur. E hoben aMatos aki, a pitcha algun wega cu segun mi nan a dal e solamente tres hit. Via imagennan televisa por a mira claramente con dificil e tabata ta pa bati su pitcheonan, e hoben aki ta tira tur sorto di bala, hasta bo por a mira con e bateadornan tabata hala un banda, keriendo cu e bala lo dal nan, pero na ultimo esaki ta kita cai den e glove di catcher pa e strike, increibel. Manera un hungador di Panama a bisa; ' e gai ey tur su balanan ta casi perfecto y inbatible, hopi skerpi su pitcheonan ta'. Experienciando Matos den dugout, por bisa cu e ta un berdadero team player, cada rato e ta sali for di e dugout y braza su companeronan, cu nan a haci bon of malo, tur ta haya nan braza y atento na cada momento.  Un pabien na Richinell Matos cu su premio bon mereci como e MVP.