Dos biaha campeon mundial y dos biaha runner-up, nos orguyo Sarah Quita Offringa lo cuminsa awe su reto pa por bira pa di tercer biaha campeon mundial den e disciplina di free-style windsurf aya na Fuerteventura, Islas Canarias. Awe e competencia di slalom y free-style ta cuminsa den e Fuerteventura Grandslam. Pa stranjo cu e por zona, Sarah Quita ta contender tanto den slalom como den free-stle pa bira campeon mundial, algo cu nunca antes a pasa den historia di e deporte di windsurf, cu un hende ta bai cu titulo mundial den e dos disciplinanan aki. Den e clasificacion di free-style Sarah Quita ta comanda e tabla di posicion cu 2100 punto, mientras cu den slalom e ta na di segundo lugar cu 4101 punto cu ta 99 punto mas abou cu e di promer lugar, kende ta ser comanda pa e suizo, Karin Jaggi. e competancia na Fuerteventura lo dura te cu 3 di augustus proximo, mas cu claro nos lo ta pendiente di e prestacion di Sarah Quita kende lo por marca historia di bai cu e titulo di free-style windsurf pa di tercer biaha consecutivo y bira campeon mundial den slalom pa promer biaha. Nos lo sigui Sarah Q of Cabei Busha di cerca. Suerte Sarah!!!!.