Pa medio di e comunicado aki, Arubox (Aruba Amateur Boxing Association) kier informa cu riba dia 17 di juni 2010, un directiva nobo a wordo eligi. Cu mayoria voto, sr. Marco Dupersoy a wordo eligi como e presidente nobo. Den un reunion a wordo apunta sra. Graciela Nedd como secretaria y sr. Rocky Croes como tesorero. E segundo secretaria ta sra. Lila Mackay y e segundo tesorero, sr. Lloyd Carty. Otro miembro di directiva ta sr. Hubert Wester, sr. Stanley Cicilia, sr. Wenceslao "Ladi" Vrolijk y sr. Hendrik Kelkboom. Nos kier gradici sr. Vrolijk pa tur e anjanan cu e la pone su tempo y energia den e asociacion, como presidente. Nos ta spera cu e lo yuda y guia unda e por, pa nos trese e deporte boxeo amateur riba un nivel halto bek. Nos ta tuma dibiaha e oportunidad pa hasi un suplica na tur gym, club of organisacion cu atletanan cu tin interes pa e deporte di boxeo amateur, pa tuma contacto cu nos na sra. Graciela Nedd (tel. 593-2164) of sr. Marco Dupersoy (tel. 748-3556) of manda un email na arubox@hotmail.com