Resultadonan Imagen

Den 1 ora y 15 minuut Ronald Staring a core 21 kilometer y asina a bira e ganador absoluto di e Aruba International Half Marathon. Shariska Dirksz ta e dama ganador di e marathon cu un tempo di 1 ora y 39 minuut. Meta a ser logra cu participacion di 600 atleta na e di 24 edicion di e Aruba International Half Marathon.

Personal di IDEFRE, Polis, AMA, Rode Kruis, Emergency Responce Brigade Aruba, Cool FM y voluntarionan tabata tey di trempan pa atende cu nan tarea prome cu e careda start. E prome atletanan a aglumera for di 4’or di mainta na parkinglot di Alhambra Casino pa check-in y subi bus rumbo pa Joe Laveist Sport Park. Ya pa 4: 40 am tres bus yen cu atleta a ser transporta pa e comienso di e careda. Na yegada, 5:15 am, e atletanan a hasi algun movecion pa keinta curpa den awacero. Atletanan cu a bay cu nan mes transportacion na Joe Laveist Sport Park, a check-in aki prome cu cuminsa cu e careda.

Caminata
Alrededor di 400 atleta a participa na e caminata cu e start 5:30 di mainta. Den tempo 2:06:37 e prome atleta canado, William van Heiningen di Corsow, a yega finish. Na di dos lugar a keda Sherwin Martis di Corsow kende a drenta den 2 ora, 12 minuut y 43 seconde. Luis Hunt a termina na di tres lugar cu un tempo di 2 ora y 13 minuut y 04 seconde. Cuatro y cinco lugar a keda Juan Gomes (2:13:37) y Reynold Soliano di Corsow (2:16:51).

E prome atletanan femenino cu a drenta y califica ta na prome lugar Vanesca Laker di Corsow (2:28:02), na di dos lugar Mary-Ann Faulborn di Corsow (2:29:27), Edseline Martis di Corsow a keda na di tres lugar (2:29:51), Rohna Steward a termina na di cuater lugar (2:30:05) y na di cinco lugar Carol Larmonie (2:37:14).

Careda
Mas cu 200 atleta, pa ser exacto 217 atleta, a cuminsa e careda 6:00 di mainta. Ta e prome biaha cu e conocido atleta Ronald Staring ta termina e Aruba International Half Marathon como ganador absoluto. Ronald a core e 21 kilometer den un tempo di 1:15:42. Na di dos lugar den e categoria Overal Finish Male y den un tempo di 1:24:03 ta Richard Carvajal di Venezuela. Gino Hodge a termina na di tres lugar den un tempo di 1:25:27.

Den categoria Overal Finish Female a resultado ta manera ta sigui. Na prome lugar a pasa e finish line Shariska Dirksz, (1:39:55), sigui pa Kira Soderstrom, USA, (1:40:34). Na di tres lugar a termina Lizayra Ponson (1:42:41).

Resultadonan Imagen

Interview Shariska Dirksz