Diamars ultimo e grupo di Puerto Rico, "Borinquen Runners" a disfruta di un tremendo Fun Run/Walk. Pa 9or di mainta e grupo di 36 Atleta, hunto cu algun atletanan local, a sali for di Aruba Ports Authority rumbo pa e low rise hotel sigui pa Eagle Beach y lora bek na Phoenix Hotel y regresa APA. Nos bishitantenan a disfruta di un bunita paisahe. Na final nan a refresca cu gatorade y patia. For di Aruba Tourism Authority cada un di nos bishitantenan a ricibi un tas di Aruba cu un obsekio como regalo den dje. Ta bon pa menciona cu e lider di e grupo, Sra. Neyda Morales, ta un travel agent na Puerto Rico y a keda masha contento cu e Fun Run/Walk cu a wordo organisa pa nan. Mes ora e ta laga sa cu ta plania pa bin bek Aruba otro anja cu un grupo, pa un otro Fun Run/Walk. ARRUWAC ta gradici Aruba Tourism Authorities pa nan obsekio pa nos bishitantenan, Cuerpo Policial y Aruba Medical Assistance cu a percura pa seguridad na nos participantenan. Tambe un danki na nos atletanan local cu a participa na e evento aki.