Diasabra mainta ariba tereno di Douane club na Dakota a enfrenta otro e muchanan di cas esta Estudiantes/Dosva y e bishitantenan di Sport Club Washington. E prome wega tabata den e categoria di Mini baby, aki e chikitinnan di SP Washington y Estudiantews Dosva a bataya duro contra otro, den un wega hopi pareu, pero e experiencia di SP Washington tabata un tiki mas bisto den e di dos tempo y aki nan ta tuma e ventaha y gana e partido 3 - 1 for di e chikitinnan di Estudiantes Dosva. Den e categoria di baby, nos ta haya un bez mas un tremendo partido sigur den e prome tempo, unda SP Washington tabata dilanti 1 - 0, pero den e di dos tempo, e condicion fisico a hunga un rool grandi y aki SP Washington ta anota tres gol mas pa asina haci e partido 4 - 0. E ultimo encuentro a bai den Lifida A, aki un bez mas e muchanan di SP Washington no a haci wega apesar di tur esfuerzo di Estudiantes Dosva, un wega cu na half tabata 3 - 2 na fabor di SP Washington a bira a lo largo 7 - 2, na fabor di e equipo di SP Washington. Mester bisa cu e organisacion nobo di Estudiantes Dosva ta haciendo un tremendo papel den futbol LIFIDA, poco poco pero sigur nan ta demostrando progreso enorme, e muchanan ta yegando tereno manera debe ser. Den Remy Davelaar nan tin un entrenador di taya y sigur cu hopi experiencia futbolistico. Den futuro nos lo tende mucho mas di Estudiantes Dosva