Diabierna awor ta bai sali pa Suriname un delegacion di Taekwondo cu ta consisti di 8 atleta di e siguiente scolnan di Taekwondo na Aruba. Di Brazil Taekwondo Stichting ta Jerrick Vluan cu ta bringa den categoria te cu -59kilo junior, Juliaan Rustveld cu ta bringa den categoria te cu -63 kilo y Alberto Klaber cu ta biaha como Director Tecnico di e campeonato na Suriname. Di Oranjestad Taekwondo Center nos tin Kevin Bolton cu ta bringa den categoria te cu -78 kilo, Stafford Anjie cu ta bringa den categoria te cu -67kilo y Moices Dumphries ta bai ta e Team Manager y coach na Suriname. Di San Nicolas Taekwondo Center nos tin Richard Jones cu ta bringa den categoria te cu -54 kilo y Shurendly Powell cu ta bringa den categoria te cu -59 kilo. E atletanan aki kende ta bai representa Aruba na Suriname ta train basta tempo caba y a bini hunto siman pasa na Juliana School cerca Sr. Herrich Lo-A-Njoe kende ta duna centrale training.