Hot Triggers Paintball Supply kier a invita tur hungador y fanatico di paintball pa bin participa/presenta e gran torneo di paintball cu nos lo celebra nos dia National di Himno y Bandera. Esaki lo ta riba 18 Maart 2010 na nos parke di paintball na Parkietenbos #23 nos lo cuminsa for di 1or di  merdia. E torneo aki lo ta parti di e prome Aruba Paintball Series. E series aki a ser funda pa subi e nivel di paintball entre e hungadornan y tambe pa nos determina na final di e series cua tabata e mihor team den 2010. Nos ta enfocando mas riba “entry level” players pa asina segurando un bon futuro pa e deporte di paintball cu mas atleta bon prepra. E Tournament lo ta basa riba un 5-man concept, esaki ta nifica cu bo lo mag di tin te cu 7 hungador registra den bo team, pero cu cada wega 5 hungador lo ta enfrentando otro. Lo ta hungando e wega di Center Flag. Esaki ta caminda 5 hungador lo cuminsa cada banda di veld na nan start station, e meta principal ta pa captura e bandera cu ta den e center di e veld y entrega esaki na bo opponent start station. Logicamente sin worda alcansa pa un paintballs. Wega lo tin como duracion 5 minuut  bo lo ricibi 5 punto pa cada hungador cu bo elimina di e otro team, bo lo recibi 1 punto pa cada hungador cu keda bibo di bo team, bo lo ricibi 20 punto pa ta e prome team cu captura e bandera den center y bo lo ricibo 50 punto pa entrega e bandera na bo opponent start station. Asina bo lo por ricibi un total di 100 punto pa un wega perfecto. Inscription ta habri pa tur team te cu 16 Maart 2010. Pa mas informacion por contact Indy Chan na 594-2982. Inscription lo ta Afl.250,00 per team, bo mester tin minimaal 5 participante y maximaal 7 participante den bo team rooster. Si bo paga despues di 16 Maart 2010 e suma lo bira Afl.300,00 per team. Premacion ta na lo sigiente; 40% di e total di Entrance Fee lo ta pa 1st place y 20% di e total di Entrance Fee lo ta pa 2nd place. Lo tin medaya tambe pa e prome y segundo lugar den e torneo aki. Nos tin e regla nan official pa nos Aruba Paintball Series 2010. Esaki bo lo por request by Email cerca indy@paintballaruba.com lo bay pone esaki soon riba Facebook y www.paintballaruba.com.  Danki di antemano pa bo support na nos Deporte.