Diasabra atardi riba tereno di Estrella na Sta Cruz y Nacional na Noord e prome rondo di wega di 50+ a inicia. Na Estrella e team di Caravel y Barcelona a keda empata na 0 gol. Despues Bubali y Rooi Afo a midi forza y e wega aki tambe a keda empata pero na 1 gol pa banda. Despues di controla eformulario di wega Bubali a dicidi di protesta e wega pa motibo cu Rooi Afo a usa un hungador cu no ta nota riba e lista. Nos kier recorda tur teamcu solamente hungador cu oficialmente ta nota riba e formulario di wegata permiti pa hunga. E di tres wega na veld di Estrella a wordo gana paRoma cu e score di 5 pa 0 contra Teachers. Pa Roma a score Luis Tromp 2x, Freddy Rodriquez y Glen Lande, tambe tawata tin un autogol.  Na Noorde prome wega Nacional ta score 2 biaha pa gana Arusur cu no por a lograanota. E hungadornan Cheppy Gommez y Johnny Samson ta esnan cu a lograanota. E di dos y ultimo wega na Noord a bai entre Inter y SCA di Paradera, e wega aki tambe a keda empata na 1 gol pa banda, Chinto Curiel ta habri scorepa Inter, mientras pa medio di un free kick Carlos Rubio ta empata e wega.Na Noord e refereenan suplente Eugene Heyden y Pedro Figaroa a salba e dos weganan y na Estrella David Cruz, Ernst Mohamed y Erwin Helder adirigi e weganan. Diasabra awor e weganan di 40+ ta inicia cu e siguienteweganan. Na tereno di Sportboys pa 5.30 Sportboys vs JBrazil, pa 6.45 Romavs Bubali y pa 8.00 Maritimo vs Toke. Na tereno di Nacional na Noord pa5.30 Teachers vs Rooi Afo, 6.45 Nacional vs Barcelona y pa 08.00 Arusurvs Hooiberg.  Na RCA na solito pa 5.30 Inter vs SCA y pa 6.45 Atletico vsSan Luis. Directiva di FEDEVETA ta desea tur team hopi exito y laga nos sigui ta un ejempel con ta hasi deporte na un manera diciplina,  sano y deportivo.