Diadomingo atardi, despues di e victoria aplastante di Estrella ariba Dakota, nos di Sport TV Aruba a saca nos hungador di e atardi, kende a keda den persona di e capitan di Estrella, esta Aikel Lopez. Mester bisa cu tanto Aikel como Alex Conceicao a move bon ariba tereno, pero pricipalmente den e segundo tempo nos por a mira un Aikel manera 10 anja pasa, subi lora su balanan y baha bek yuda den defensa, na banda di esaki guia su companjeronan ariba tereno manera un berdadero capitan. Colaborador di Sport TV Aruba esta Ivo Lacle a haci entrega di e pakete di Red Bull na Aikel Lopez como Sport TV Aruba su 'Player of The Game'.