E campeonato di futbol femenino a continua diabierna anochi den stadion di Frans Figaroa na Noord. Mester bisa cu dilanti un publico aceptabel, e diferente weganan a tuma lugar. For di sra. Mildred Wever di Comision di dama, nos a haya e siguiente resultadonan. Categoria Infantil: SV The Rose 1 - SV Britannia 3 Gol di The Rose a wordo anota pa: Jenneling Lacle. Golnan di Britannia a wordo anota pa: Shayna Werleman, Andrienne Morillo y Fraidelline Kelly, cada un a score 1 gol. Categoria Juvenil: SV The Rose 0 - SV Santa Fe 1 Gol di Santa Fe a wordo anota pa: Chameral Luitjes. Categoria Junioren: SV Nacional 2 - SV Bubali 0 Golnan di Nacional a wordo anota pa: Meri Laura y Richella Tromp, cada un a score 1 gol. Categoria Adulto: SV RCA a gana SV Juventud Tanki Leendert pa default, ja cu solamente 3 hungador a presenta na veld. Gradiciendo Miembronan di Prensa pa nan aporte na futbol femenino, mi ta termina cu saludonan cordial y deportivo.