En coneccion cu Dia Internacional di hende mohe Camacuri HD Club Aruba ta manda felicita tur hende mohernan di Aruba, especialmente tur e miembronan femenino di Club y tambe tur e miembronan & ex-miembronan femenino cu ta y tawata forma parti di Bestuur tur e anjanan di existencia di Camacuri Harley-Davidson Club Aruba. Tambe dia 11 di Maart e Club ta celebra nan "Lucky 13", esey kiermeen e di 13 anja di existencia di e Club y por medio di e articulo aki ta manda felicita tur miembro Honorario, miembronan di Bestuur & tambe demas miembronan di Club y invita nan pa e fiesta grandi cual lo tuma lugar e dianan 17 pa 21 di Maart 2010 cu e di 13 Flag Day Rally cu diferente actividadnan tur rond di Aruba pa asina no celebra nos Dia Nacional en grande.   Por ultimo Bestuur di Club & tambe Comishon Flag Day Rally 2010 ta manda un invitashon na Aruba henter. Na tur e corredornan di motorcycle, sea bo tin un Harley-Davidson, un Motorcycle tipo Touring, tur tipo di Sportbike, Scooters & tambe Quadracers, especialmente na tur e club/organisacionnan local & internacional manera Hog Aruba Chapter, Cascabel MC., All Out Bikers, Down Town Bikers, Easyriders Aruba, Nos cu Nos Organisation, TTT Riders, Caribbean Brothers , Bende van 4, Quad Brothers & tambe tur e otro Clubnan conocir International pa join nos den nos recorrido full rond di Aruba. Si pa un of otro motibo nos a lubida bo club nos ta pidi nos disculpa y nos ta spera cu boso por join nos den nos di 13 Flag Day Rally. Un biaha mas bini uno bini tur pa asina nos hasi nos Celebracion mas grandi.   Adhunto un lista di tur e actividadnan cu nos ta bai tin den e weekend grandi di nos Flag Day Rally 2010.