Diadomingo anochi a tuma lugar e di tercer wega di final di volleyball den dama A klas. Aki e muchanan di Gazelles a enfrenta e equipo di YMCA. Mirando cu e serie fiinal tabata 2 - 0 na fabor di e equipo di YMCA, pa e damanan di Gazelles no tabatin un majan, nan mester a gana pa forza un wega number cuater den e serie di best out of five. E ambiente ariba su mes tabata uno tremendo, un publico aceptabel a mira e partidazo aki, na unda cu e ultimo dos setnan sigur tabata un berdadero thriller, e mihor den tur e weganan cu nos a mira te cu awor aki. Den e prome set e muchanan di Igmar Ohenia esta Gazelles ta sali bon ganando cu e score di 25 - 21, pero den e set nan number dos y tres tur cos tabata e damanan di YMCA, kendenan no ta pordona y ta pasa ariba e equipo di Gazelles ganando cu e scorenan di 25 - 18, 25 - 16. Ta bon pa bisa cu den set number 2, coach Phelipa di YMCA ta haya cora y mester a bai sinta un banda. Pa nos e wega a cuminsa den e di cuater set na unda nos a mira cu ningun di e dos equiponan aki no kier a entrega, YMCA cueste loke cueste kier coi campeon mientras Gazelles kier forza un di cinco set. Den e set aki coach di Gazelles, Igmar Ohenia ta haya carchi cora y mester a bai sinta, e set aki a ser gana pa Gazelles 29 - 27. Den e ultimo set e muchanan di Gazellez den comienzo ta bai laga cu un diferencia di casi nuebe punto, pero YMCA ta lanta for di sonjo pero no por a haci nada mas y ta mira Gazelles bai cu e victoria di 17 - 15, pa asina forza un wega extra cu lo bai tuma lugar diaranzon awor, probablemente pa 7or di anochi.