E fin di e siman aki tin e Open US atrobe na unda cu 62 diferente nation ta participa cu 1595 atleta. E expectativa ta hopi grandi den e paisnan, pasobra tur ta considera Open US un di e campeonatonan di clase mundial. Herrich Lo-A-Njoe kende ta un di e trainer nan di Oranjestad Taekwondo Center ta cla cu su preparation cu e dos atleta nan cu ta bai representa Aruba bou di Oranjestad Taekwondo Center kende nan ta Clifford Rasmijn y Angie Stafford.Oranjestad Taekwondo Center ta conosi di representa Aruba pa varios anja caba den Campeonato nan mas grandi di mundo. E anja aki Oranjestad Taekwondo Center ta asina leu cu Grand Master Herrich Lo-A-Njoe a prepara e dosatletanan kende nan ta Clifford Rasmijn y Angie Atauffer. Clifford Rasmijn lo bringa den junior te cu 68 kilo, mientras cu Angie ta bringando senior te cu 72 kilSra. Marilu De Veer kende ta un di e trainer nan di Oranjesatd Taekwondo Center a biaha caba, mirando cu e ta refree International y mester asisti na curso nan cu tin cu haber cu e campeonato. Tambe Sra. De Veer ta refree di forma cu tambe ta tuma lugar e siman aki na Las Vegas. Ambos atleta ta cla pa enfrenta cualkier hende cu presenta nan dilanti. E atleta nan a wordo prepara for di anja pasa pa nan ta unda nan ta awor aki, sin duda aki nan lo demonstra na pueblo di Aruba cu nan resultado den fin di siman. Grand master Herrich Lo-A-Njoe lo coach e atleta nan di Aruba na Las Vegas, unda cu sigur nos por conta ariba medaya. Clifford Rasmijn ta cuminsa bringa diabierna, mientras cu Angie lo start diasabra.