Diadomingo anochi a tuma lugar un di e eventonan deportivo di mas grandi mira na mundo cu ta e football americano, mihor conoci como Superbowl. Esaki tabata e di 44 edicion di e Superbowl cu a ser hunga den e Land Shark Stadium na e ciudad di Miami, ta calcula cu alrededor di 200 miyon hende a mira esaki rond mundo. Nos mes a mira esaki den Buster's Garage na South Beach Mall caminda tabata reina un tremendo ambiente. Naturalmente e kick di henter e Superbowl ta e propagandanan nobo cu hopi multi-nationals ta pasa durante di e halftime, parce cu pa cada propaganda pasa ta aproximadamente un miyon dollar pa seconde. E wega ariba su mes tabata uno cu a tene tur hende den suspenso mirando cu ta trata aki den dos equipo prome cualifica den e divisionan di NFL, esta NFC y AFC, algo porcierto cu masha anja no a pasa. E campeonnan a bira Saints kende a gana e bataya cu e score di 31 - 17. Esaki nan ta logra pa prome biaha den historia di e team.

Esaki sigur ta algo sumamente grandi pa New Orleans mirando cu ahinda nan ta recuperando di orcan Katrina. Den Burboun Street tabata reina un alegria tremendo y sigur cu nan lo no bai drumi awe pa sigui celebra. Drew Brees e quarter back di Saints ta gana e titulo di MVP pa e wega final completand un total di 32 di 29 pase pa un total di 288 yarda cu dos "touchdowns" y niun pase intercepta.