E equipo di Dakota ta para dialuna dilanti di un wega hopi crucial, mirando cu nan lo ta enfrentando e equipo di Sportboys di Angochi. Ambos equipo no a conoce un di dos buelta fuerte mirando cu Dakota a perde cu e score di 4 - 0 for di e muchanan di Bubali, mientras cu Sportboys ta bin ta perde na man di Estrella cu e score di 3 - 2. E amariyonan di Dakota ta na di 9 lugar cu 8 punto, mientras cu e equipo di Sportboys ta na di 6 lugar cu 12 punto, e equipo di Dakota tin mester di un victoria urgente, pa asina nan sali for di den sotano, di otro banda Sportboys tampoco no kier keda atras, un victoria lo pone nan den un posicion faborabel. Mester bisa cu e machine di gol di ambos equipo no a produci mucho e temporada aki, Sportboys ta anota 10 gol y Dakota solamente 8 gol, ambos equipo a haya 18 gol encontra. Diaranzon anochi, nos lo haya e clash den futbol Division di Honor ora cu e naranjadanan di Sta Cruz topa cu e savaneteronan di La Fama, un wega pa ambos equipo importante. Un victoria pa La Fama lo pone nan e di promer lugar ariba e tabla di posicion cu 24 punto, di otro banda un victoria pa Estrella lo por hiba nan te na di 6 lugar ariba e tabla di posicion, caminda nan lo sali for di e zona di peliger y lo duna e club maximo di Sta Cruz un rosea nobo. Mester bisa cu Estrella lo tin su dos refuerzonan di Brazil den e alineacion di diaranzon anochi.   Dialuna08-Feb-108:00 PMDakotavsSportboysCDGT Diamars09-Feb-108:00 PMRiverplatevsBritanniaCDGT Diaranzon10-Feb-108:00 PMEstrellavsLa FamaCDGT