Despues di a empata cu e equipo di La Fama, diamars ultimo, e equipo di Piedra Plat, esta Britannia ta cla pa otro compromiso ora cu diamars anochi nan lo ta enfrentando e muchanan di pabou esta Riverplate. Un victioria pa Britannia ta nifica cu nan lo pasa e tricolornan di Solito, esta RCA ariba e tabla di posicion, mientras cu e equipo di Piedra Plat por comanda e promer lugar ariba e tabla di posicion, dependiendo di e resultado di e wega di majan entre La Fama y Estrella. Di otro banda Riverplate no conoce un campeonato fuerte e anja aki y ta na di 8 lugar cu 9 punto. Un invictacion cordial ta bai na henter e fanaticada di Piedra Plat pa asisti den stadion Guillermo Trinidad na Dakota y bin duna respaldo na e muchanan di Britannia, kendenan lo ta buscando nan di shete victoria e temporada aki. No laga ningun hende contabo, abo mes tin cu bin wak cu bo propio wowonan. Bala ta cuminsa lora pa 8or en punto.