E basebolista arubano, firma pa e organisacion di Boston Red Sox, Derward Ruiz a keda eligi como e hungador mas valioso di e torneo Panamericano cu a tuma lugar anja pasa na Venezuela. Esaki sigur ta un logro grandi pa e hoben Ruiz y pa e baseball di Aruba. Den e torneo Panamericano Derward a keda como e mihor bateador, mas homerun bati y segundo mihor catcher. Mester bisa si cu nos mes no a haya e informacion oficial di e persona concerni, mirando cu tin un comunicado oficial a sali pa tur medionan di comunicacion, menos a nos. No ta problema paso nos ta sigui traha na bienestar di e hubentud y e deporte di baseball, nos lo vocifera nos pensamento sigur ora nos kier mira pa e deporte dal un stap padilanti y no manera cu e ta bai awor aki. Un pabien na Derward y su tata Derwin y e resto di famia pa cu e logro aki, nos di Sport Tv Aruba lo sigui e desaroyo di Derward di cerca.