Diabierna 5 di Februari 2010 a tuma luga e Inhaalwedstrijd entre Dakota y La Fama den division Lifida B(12-13anja). E wega aki a tuma lugar na veld di Dakota y referee principal tawata Shemuel Koolman. Dakota Lifida B ta bow guia di Franklin Priest y Ferdinant Robert.Mientras La Fama lifida-B ta bow guia di Naldo Maria y Jurick Schwengle.Dakota Lifida-B tawata invicto y na Prome lugar y La Fama tawata na Segundo lugar cu djis un wega perdi. Esaki tawata un wega interesante cu ambos fanaticada tawata ansioso pa presencia.Dakota cu su ofensiva basta agresivo a sa di pone presion di comienso di wega te na final.Mientras La Fama na su turno a percura pa algun atake nan riba e gol defendi pa Dakota. Dakota ta resulta di ta mas solido ariba tereno y ta toca bala rond y haya otro riba tereno.Dakota ta logra gana e wega cu score di 9-0.Golnan di Dakota a wordo anota pa Owen van der Wijne(4),Avner Torres(2),Johnson Rincon(2),y Donaldo dos Santos(1).   Asina tambe Dakota Lifida B ta sera nan prome buelta di Campeonato di Lifida INVICTO cu tur 14 wega.Den e prome buelta so Dakota B a percura pa anota na 104 occasion y a permiti solamente 8 gol contra.   Commission Dakota Lifida kier a felicita CADA UN HUNGADOR cu a duna nan maximo esfuerzo pa asina gana tur nan weganan y tambe na e entrenador cu ta train nan.Pabien cu e logro bunita aki.Nos ta spera e segundo buelta bai mesun exitoso.