E playoff di volleyball tan spera a cuminsa diaranzon anochi den un Centro Deportivo Betico Croes yena di fanatico. For di sra. Cheddy Lopez Henriquez di e Comision organisador nos a haya e siguiente relato. Hubenil damas:  Gazelles a gana 2-1 di La Fama. y Gazelles tin un wega gana. Damas U-21:     La Fama a gana Volvox 3-2  y La Fama tin un wega gana. Den Cabayeros B-klas:  YMCA a gana Brazil  3-0. y YMCA tin un wega gana. Den Damas A-klas Gazelles a gana POVA  3-0 y Gazelles tin un wega gana. Den cada categoria tur dos team falta  pa hunga contra nr 1 di su categoria. E perdedornan mester gana e wega ey pa por tin chens pa sigi pa final. E nr 1 nan ta : Den Hubenil Cruzeiro, cu no a perde ningun set den campeonato regular. Den U-21 ta GAzelles cu ta basta fuerte cu Juleisy Castillo como leader den e team. Den B-klas Cabayeros nr 1 ta TAnki Leendert ta un team hoben, cu a sali varios biaha den su categoria. Den Damas A-klas ta YMCA, cu ta all round conoci caba, cu no sa baha cabes pa ningun otro team. Eynan nos ta conoce fighting spirit. Diaranson otro siman nos ta bai mira Gazelles vs Cruzeiro. Si Gazelles gana e ta cla pa final. Si Cruzeiro gana, anto mester warda e wega di Cruzeiro vs La Fama pa mira kende ta e otro finalista. Despues tin U-21 GAzelles vs La Fama . Si La Fama gana e tambe ta cla pa bai final. Gazelles mester enfrenta Volvox pa mira cua ta sigi pa final. Tambe tin YMCA  vs POVA. YMCA lo bin todo por todo. Pa Pova ta ultimo chens pa pasa pa final. Cabayeros A-klas lo tin su promer wega den semi-final La Fama vs Albo. La Fama ta un team hoben y fuerte, pero bala ta rondo. e ta lora bai y tambe bin bek. TA pa cua su banda e ta bai lora diaranson dia 10 di februari denCentro Betico Croes. Nos ta cuminsa atrobe trempan, pa e muchanan cu ta bai school ainda. NOs ta spera tur fanaticada, tur amante di  deporte, y hopi hende pa bin apoya nan team favorito.