Como nos atletanan di siman sin duda nos tin e equipo di SV Britannia y e coredor ariba distancia largo Arnold Brouwer. E equipo di SV Britannia di Piedra Plat ta sigui cu su bon racha despues di a gana e Copa Betico 2009 como tambe e campeonato di AVB 2009, e anja aki un bez mas e muchanan di SV Britannia a demostra nan supremacia ganando La Fama 2 - 1 den e Copa Betico 2010 y asina keda cu e Copa Rotativo, mirando cu esaki ta di tercer bez cu nan ta logra esaki. E atleta ariba distancia largo Arnold Brouwer a sorprende tur hende den e 10k Betico Memorial Run ariba Dia di Betico, ora e ta gana esaki convincente marcando un tempo di 37.48 y asina bira e ganandor absoluto di e careda aki. Un pabien na SV Britannia y Arnold Brouwer pa ta nos atletanan di siman.