Cu un tiki suerte i kisas abilidat di e damita aki por poco e garoshi a drenta Johnson Supermarket. Despues cu e damita aki tabata atrasa den e careda su garoshi ta hanja un extra speed i den un forma magnifico ta pasa su contricante. Sinembargo ora e la jega finish su brake no kier a functiona. E ultimo aki ta pasa dal den e baricada kibrando e palo den forma increibel i subi caminda grandi pa despues maniobra i subi bai dal riba parkinglot di Johnson Supermarket. Mester bisa cu e damita aki tin hopi pero hopi suerte cu na e momento ei niun auto no tabta pasando sino e por tabata fatal. Danki Dios nada no tabata tin danjo personal pero e garoshi si, cual porcieto tabata mustra di ta un fuerte, no por a sigui den e competencia.

Apesar cu varios medida di seguridat a ser tuma toch despues tabata tin algun incidente. Mester bisa cu varios di esaki nan por a ser evita si e publico presente a sa di mantene nan mes na regla. Organisadornan tabata tin man nan jen tratando pa hasi pista liber cada bes cu careda tabata cla pa sali. Majornan cu no ta duna e miho ehempel tabata wordo sigui pa mucha nan subiendo pista treciendo nan bida i di otro nan den peliger.

Te na momento cu nos di Sport TV Aruba a bai, no tabata tin mas incidente. Nos ta spera pa otro biaha principalmente publico sa di tene nan mes na regla.